دوبیتی ها اززنده یادشیون فومنی
نیه هیشکی می حال زار دربند
کره ده اورسفه می نازکه بند
بی نیش می ور تره تا من بنالم
که آدم به گبه حیوان به لافند
---
من وتو چاچ نیه ام دیوارنه سر
علف پشته نیه ام بازارانه سر
امی خونه مرا مستی داره خرس
امه رز بیم نه اما دارارنه سر
---
نیه جز بی نشانی تیره سهمی
همش خون خوردنه شمشیر سهمی
سگه دولتسرا دستک سرایی
موش خلف اتاقه شیرسهمی
-----
می دیله خون دره پاییزه آفتاب
پلد ولگه می دیم تی غصه گرداب
پوتار گید گاب پا چاله دگفته
بوگوفته دنیایا برداندره آب
---
امه پوردانه ره تخته بتاشتیم
ریزه ریحان شیمی راه سر بکاشتیم
امه که دریا دامان پیلابوستیم
ایتا ماهی سفیده ناجی داشتیم
---
وطن تی ماره تی مار ماده شیره
شکاربانانه دس کوهان اسیره
تی غیرت کو مگه تی نازنین مار
جوان پیلا گوده خانه بمیره
---
خروس خوان شی بزه آفتاب فاندر
سیاه ابران تند وتاب فاندر
دوارستاندره عمره مانستان
بتاخته گیفته نهره آب فاندر