تی چشم آب بزن صبح بهاره
تی چشم آب بزن صبح بهاره
اوچین تی رختخواب قن نهاره
ویریز جنگل دکف کاری ببرپیش
که تی گرگ اجل پوشت گوماره
غنیمت با دانستن اه بهاره
جه دست واستی ندان دامانه کاره
امی بازوی تا وقتی داره زور
به زانو واآوردن روزگاره
اگرفیصل ندی تی روز سخته
پریشان تردینی تی حال بخته
نیبه نذره مرا تی موگرینجی
فتیله کم بنه آب درخته
نده دستانه مرغه پا گروزه
نکون لا بیخودی عمر دو روزه
بزن بشکن اوکله که دوه مرز
شله غوزه نزن کوچه عروسه
نگرده بی تکان تی زاکه گاره
نیه تی بج کروج بی اسب و داره
تی کارانه بکون غصه فیشان دور
که هرچیزا به غیرازمرگه چاره
نیبه باغه درون باحمدوسوره
شیرین انگوراسورنه ترشه غوره
جمعا بوسته تره اما نانستی
خسیس مال میراث شروره
خوروم رایا نوانان بدنواشون
تی کارانه بیدین سرخود نواشون
بمیرم ضامن آهوره اما
دسته قرضه مرا مشهدنواشون
واره برف کوه و دشته خسته خسته
درخته شاخه زنگوله دوسته
تی پاپرکه چره می دیل نبه خون
وبال گردنه دست شکسته
ای شهر جا که خوشبختی اویره
غم گشنه نداشته هرکه سیره
ایسه می سربلندی ازتی خوبی
اگر توبدبیبی می سربی جیره
شبانه گرگه ورجا پیش نوا شون
چاچول باز آدمانه پیش نواشون
بوشو راهی که وانگردی بخواری
دومن ریش مرا تجریش نواشون
تی اقایی گودن غربت به لافه
گوشادان تی گب کارخلافه
هنوز معلوم نیه تی آخرکار
پیله کله تی شین زیرلحافه
تویی که تب ناری می وقته مردن
مره زوره مگر تی نام بردن؟
بجاره بج کارم نیه می قسمت
که شیرکردنه شالانه خوردن
باسلام وعرض تبریک سال نو و...
باسلام وعرض تبریک سال نو وعرض پوزش بخاطر غیبت به علت شرکت درمراسم اعتکاف ودید وبازدید اقوام درشهرستان امکان به روز رسانی خبرهای وبلاگ نبودباتشکر لطفی